Mbinu za Kufundishia Kiswahili katika K21

Kitabu hiki kinachunguza vipengele vya kimsingi vya ufunzaji na ujifunzaji wa Kiswahili kama Lugha ya Pili (L2). Baadhi ya yale yaliyoshughulikiwa ni: Lugha, Nadharia za Ufundishaji wa Lugha ya Pili, Uandalizi wa somo, Tathmini, Sera ya Lugha ya Kiswahili, Mbinu za Kufundishia, Nyenzo za Kufundishia, Kufundisha Masuala Ibuka kwa Kiswahili, Stadi ya Kusikiliza na Kuzungumza, Kusoma, Kuandika pamoja na Sarufi na Matumizi ya Lugha. Kitabu hiki ni kielelezo kifaacho kwa walimu wanaofundisha Kiswahili na wanafunzi wa kiswahili katika vyuo. Kinazingatia kwa kina yaliyomo katika silabasi za viwango mbalimbali na kupendekeza njia na mbinu zinazoweza kutumika wakati wa kufundisha.